Somostrasnas

Somos trasnas é unha frase que nos repetimos continuamente Teresa Candal e Marta Amado. E moita máis xente ó longo das rutas que abrangue o Camiño dos Faros. Foi precisamente nunha delas onde nos coñecemos e xuramos que un día fariamos algo xuntas, Teresa cos seus pinceis e eu cos meus bolis.

Pasaron algún que outro ano e unhas cuantas rutas ata que xordeu a oportunidade. Primeiro, unha pequena exposición de pintura e logo a presentación dun conto ilustrado a un concurso. Necesitabamos un seudónimo e tivémolo claro: somos trasnas.

¿E qué é ser trasnas?
Miñas fillas din que é ser aventureiras, exploradoras intrépidas. Eu digo que ser trasnas é rir e chorar, é deixarte sorprender polo camiño que a vida che pon diante. É atravesar acantilados pedregosos, enlamados, cun pé diante e outro detrás e onde un paso en falso non é o fin, é a oportunidade de comezar de novo.

Di Teresa que en cada gran de area, en cada onda, en cada faro, atopas e deixas un anaco de ti mesmo e da xente que te acompaña. Ser trasnas é buscar o teu sitio no mundo e crer que o atopas.

É deixarte embriagar das paisaxes e das xentes que te acompañan en cada etapa, da vida, do camino. Ser trasnas é o reto de vivir, gozando, sufrindo, pero sobre todo, superándote a ti mesma.

Marta Amado

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies